問候

今日返工, 俾人問候

well, 返呢份工, 鬧就一向俾人鬧慣, 惡人亦多, 但鮮有用粗口

皆因本公司乃全港數一數二的大場, 出入多為所謂「文化界」人事, 一般來說是死纏爛打或是諸般歪論的投訴。


今日班死靚仔, 無飛睇戲, 完場後有座談會, 賴死在劇院入口處, 話要等朋友, 同事為容易控制, 亦為免班死靚仔搞事 (因其一人已經俾同事們點o左相, 早兩年成日想混水摸魚無飛入場), 故安排幾個同事好言叫佢地要等就落大堂等, 其中一個臭串死靚妹, 同事叫o左幾次, 竟然話聽唔到, 叫極都企o係樓梯頂, 同事攪佢唔掂, 我行埋去, 好禮貌地同佢地講「兩位, 麻煩出示門票, 如果無門票請落大堂等」唔理, 咀翹翹... 我再講, 「小姐, 下面有個告示牌提到只供憑票觀眾入場」個死靚妹就開始粗口o黎, 我再補多句「我相信你會睇得明呀呵」跟口佢就話自己唔識睇中文, 我剛想接口話仲有英文時佢大概都瞄到個告示牌都有英文, 於是又話自己整係識法文... 我窒o左0.5秒之後, 決定講一句「Merci beacoup」多謝o下佢.. 佢就一輪咀「你唔好咁x死串...」一路慢慢落返大堂...

哼, 如果我唔係攬住個証, 我實鬧x你, 係呀, 我係串, 衰得過我串得起, 識法文吖o拿


攪到我爛口哂, 同同事講, 「頂, 明明戒o左講粗口好耐o架嘛」


係咪唔係好似我呢


咁你對我認識就太淺了